السبت , يوليو 11 2020

ضيوف عمتو ببا .. بالصور والرسائل الصوتية

إقرا أيضا

شديدة السُّمِّية.. رعب في متجر ملابس بريطاني بعد العثور على 3 ثعابين.. شاهد

لعدم سيطرتهم على كورونا.. دول أوروبا ترفض استقبال السياح البريطانيين

OnePlus 8 Pro.. مميزات أفضل هاتف أندرويد في عام 2020

من حياة مذيع فى الحظر ؟ ..

مين فينا بيتعلم من التانى ؟..

حظره اختياري ولا أجبارى ؟ ..

من الماضى وهم الحاضر والمستقبل على حيطانهم وجوه كراستهم وفى كل مكان ألعابهم وأشكالهم ، بكفوفهم فنون بالألوان كل حياتهم طاقة وإبداع وفى كواليسهم حاجات ومحتاجات ، حاجات عارفنها وأكتر مننا مستوعبنها وأحنا منهم بنتعلمها ، وحاجات تانية كتير هم لسه محتاجنها ، ضيوفى هنا معايا فى السطور هتعرفوهم ونعرف مين بيتعلم من التانى ، وهل الحظر عندهم كان باختيارهم ولا أجبارى ؟.

مع جائحة فيروس كورنا فى العالم كله كل يوم بيكون فى جديد وفرض الحظر على الشعوب من المؤكد اطلق ابداعات بلا حدود ، تحديات بأبسط الامكانيات ، الهدف منها نسعد نفسنا والاخرين ،وطاقات الفن والابداع تنوعت لكن دائما كان فى شي غايب ، أغلب الاهتمام كان بالكبار عملوا وبيعملوا ايه فى الحظر ، لكن دائما كان شغلنى الاطفال وأسال نفسي حظرهم شكله أزى ؟.

مع مرور الوقت وأيام الحظر أشتقت جدا لأطفالى فى البرنامج وكان لازم يكون فى ضوء عليهم ، بدات أتابع من بعيد لبعيد عبر صفاحتهم على مواقع التواصل ومنهم عبر الهاتف ، وكان لازم يكون فى قرار حلقة لهم بشكل مختلف حلقة تسمعوهم بوجدنكم وتتخيلوا نبرات صوتهم وهم بيتكلموا هنا فى سطور حظرهم .

بدأ التواصل معهم ومع اولياء امورهم يبعتولى صورهم بيعملوا ايه وبيستفيدوا بالوقت أزى ، ورسائل صوتية بصوتهم المفعم بالبراءة والطاقة والابداع ، كل سطر قادم هو كلهم ، هو احساسهم ، هو هم .

أول سؤلين طرحتهم فى أولى السطور الاجابة عليهم هتكون بين السطور الجاية.

معايا من السطر ده بداية الرسائل والصور لحظرتهم .

توقة عصام كامل "برسم كتير كل حاجة موجودة فى البيت وساعات من التليفزيون وكمان بلعب كرة قدم مع بابا وأخويا أواب ، وبابا بيشجعنا على ممارسة الرياضة ، وبساعد ماما فى البيت".

نورهان مجدى "ساعات بحس بالملل فى الحظر لكن بتغلب عليه ،خلصت بحث المدرسة وبعمل كل حاجة بحبها ، برسم وبساعد ماما فى شغل البيت ، وبرسم على الكمبيوتر بالموس وبنشر أعمالى ورسوماتى على الفيس زى ما أنا متعودة".

شهد ناصر وشقيقتها الصغرى ياسمين ناصر " خلصنا البحث وقبل رمضان عملنا الزينة وبنساعد ماما فى شغل البيت ، وأنا وياسمين بنلعب مع بعض ونرسم وبنجهز لافكار نعملها فى العيد".

محسن هانى الفنان والكاتب والمذيع وأصغر مصمم جرافيك فى المهنة عمره 11 سنة " عملت تصميمات كتير للتوعية عن فيروس كورونا واتنشرت فى مواقع كتير وكمان بذيع كل يوم اخبار كورونا على صفحتى بالفيس بوك وقناة اليوتيوب وبخلى اختى الصغيرة ميار تساعدنى وتتعلم ، وبنلعب سواء وهى كمان بتحب تساعد ماما فى البيت وبتتمرن الكارتيه فى البيت ، وبتابع دراستى عن بعد".

هايدى مصطفى "انا ملتزمة ياطنت فى الحظر وبسمع كلام ماما وبتطور نفسي دائما فى كل حاجة بحبها من النت وماما بتكون معايا ، وكمان برسم واقرأ ".

أحمد محمد خيرى"أزيك يا طنت وحشتينى ، أنا ملتزم بالتعليمات ، بلعب رياضة بس مش كتير ، وبتفرج على برامج تعليمية على اليوتيوب وبقرأ وبرسم ".

آلاء وسارة عبد الرحمن " بنلعب ونقرأ قرآن وبنرسم وبنحب القراءة جدا ".

أحمد علا الملا " برسم أنا وأخواتى وبذاكر ، ويوميا بمارس فن الروبوأرت ، وبتطور نفسي بالتعليم عن بعد ".

ملك وحنين أحمد صابر " أحنا بنلعب مع بعض وبنتمرن الجمبازوبنرسم وبنساعد ماما فى البيت وبنقول لكل أصحابنا يحافظوا على نفسهم ويقعدوا فى البيت عشان كلنا نرجع نخرج من تانى ونشوف بعض".

آدم وآسيا محمد الحسيني " من أول الحظر بابا وماما اتفقوا معانا على جدول عشان مانحسش بالملل ونعمل كل حاجة بنحبها ، بنلعب رياضة وبناكل أكل صحى وبنذاكر ، ومن أول رمضان ماما بتشجعنى على الصيام والصلاة وبابا بيدينى مكافاة على التزامى ودولقتى معايا مبلغ كبير هشترى به لعبه ليا ولأختى".

وطبعا أبن الوز عوام أبناء الفنان الخزاف دكتور أحمد عبد الكريم وهم ( أذان وعمر وكريم)

" الوقت الأكبر اللعب علي الكمبيوتر والموبايل و عمل الأبحاث المدرسية وقليل من القراءة في مكتبة المنزل بغرض البحث و قراءة القرآن والمساعدة في الأعمال المنزلية

أذان يشاهد ويلعب ويبحث عبر الموبيل ، وعمر يبحث عن البرامج ويلعب عبر الكمبيوتر

وكريم يلعب بالالعاب المجسمة ويرسم ويكون تكوينات تخيلية بالمكعبات وفى رمضان يحفظون القران ويصلون صلوات جماعية ويتبادلون فيها الإمامة حتي كريم الصغير قام بالصلاة بصورة الفاتحة ويتابعون البرامج والمسلسلات التلفزيونية ويشاهدون اليوتيوب".

فريدة محمود " أزيك يا طنت وحشانى جدا ، الرسم عندى حاجة اساسية وبشارك فى المعارض الالكترونية (الافتراضية) واستاذنت الجيران فى العمارة ارسم على الجدران وبقوا مبسوطين رسمت شخصيات كلنا بنحبها وماما يوميا تصورنى وانا برسمها ، كمان دهنت باب الشقة ورسمت عليه ".

أبطال الجمباز آدم و رودينا سعد " بتمرن أون لاين كتير جدا عشان نحافظ على المستوى بتاعنا ومنتظرين نرجع تانى وندخل البطولات وآدم بيحب يرسم ولونا البيض فى شم النسيم ".

جاسمين و إبراهيم أحمد " بابا بيطبعلنا رسومات من النت وجبلنا ألوان كتير عشان نلونها ، وبنلعب مع بعض ".

عبد الله سامر " بعزف على الكمان وبرسم، وبستخدم الكمبويتر كتير جدا بعمل فيديوهات على قناتى باليوتيوب وبتعلم مونتاج اون لاين وبعمل المونتاج لفيديوهاتى ومستمر فى فن الروبوأرت ".

مريم ومينا شنودة " بنلعب مع بعض بالمكعبات ونتفرج على التليفزيون وانا خلصت البحث بتاعى وبساعد ماما فى شغل البيت وبكلم أصحابى بالتليفون ، ومينا بيلعب عقلة وكارتيه وماما بتحكيله قصص ، وبابا بيشجعنا على الرسم ".

جودى عمر" برسم أنا وأخوتى وخصلنا البحث وأحيانا بننزل بليل نلعب بالعجل شوية نغير جو ونصلى التروايح مع ماما فى البيت ونقرأ القرآن وساعات بنساعدها فى شغل البيت ".

أيتن حمادة "بكلم أصحابى وبلعب على الموبيل وبعزف على الاورج ، وبساعد ماما فى الفطار ،وخلصت البحث ، وبتعلم لغات كورس اون لاين مرة فى الاسبوع ".

وأخر ضيف الطفلة خديجة عاصم " بحب عمتو جدا وبقعد معها فى المرسم أرسم وألون على أشكال الجبس بألوان مية ، وبلعب مع أخويا الصغير وبساعد ماما فى البيت وبابا بيجبلى شوكلاته لما بصوم ".

بعد كل ده سمعتوهم ، شفتوهم ، حسيتوا بهم ومن كلامهم ، هم أجمل ما فى الحظر ربنا يحافظ عليهم ، وأعتقد الشكر لهم واجب علينا .

(هبة عربيه)

1541d9dc44.jpg 63ca6cc5bb.jpg 4873a3de79.jpg fe25a3f97c.jpg

مواضيع متعلقة

ضيوف عمتو ببا .. بالصور والرسائل الصوتية

ماذا دار في اجتماع الأندية مع اللجنة الخماسية؟ .. كواليس مثيرة

عودة الدوري الانجليزي غداً.. مع اجراءات احترازية صارمة

السعودية تزيل اسم السلطان العثمانى سليمان القانونى من شوارعها

التموين تدرس طرح كمامات مستدامة على البطاقات: نتفاوض مع الجهات المختصة

المصدر

عن مصر اليوم

شاهد أيضاً

وما خفي كان أعظم .. 36 حضارة تنافس الأرض في مجرة درب التبانة

إقرا أيضا عشاك عندنا..تحضير البيتزا بالخضار على طريقة المطاعم عشرات المفقودين بعد غرق قارب في بحيرة كيفو شرق الكونغو علماء يكتشفون خطرا كبيرا لانتقال كورونا داخل الحمامات مازالت مجرة درب التبانة كنز لم يطرق أبوابه بعد، فقد توصلت دراسة حديثة إن المجرة بها العشرات من الحضارات الموجودة التي تنتظر الكشف عنها. فقد افترضت ورقة بحثية أن الكواكب الأخرى موطن لحياة غريبة عن الحياة بكوكبنا، وتلك الحيوات تتطور بشكل يشبه التطور الذي يحدث على كوكب الأرض، فيقول "كريستوفر كونسيلس"، وهو استاذ بجامعة توتنجهام:" إن هناك عشرات الحضارات القائمة في المجرة". وأضاف :"أن التطور التكنولوجي بأي كوكب من الكواكب الأخرى يحتاج لـ 5 مليارات سنين كما حدث على كوكب الأرض"، مشيرًا إلى أن هناك ما يسمى بحسابات حد كوبرنيكوس البيوفلكي، والتي تنقسم إلى حد قوي وحد ضعيف. ومن خلال حسابات الحد الضعيف فالحياة المتطورة الذكية تتكون على الكوكب بعد 5 مليار سنة، أما الحد القوي تتكون ما بين 4,5 لـ 5 مليار سنة، ومن هنا تطرق البحث الجديد أن أن تلك الحضارات ستقوم في بيئات غنية بالمعادن كما وقع على كوكب الأرض. وكانت الأبحاث السابقة ا..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *